1️⃣ Төрсний дараах эхний статус
Хүүхэд төрсөн даруйдаа Австралийн төрсний гэрчилгээ авдаг ба энэ нь иргэншил биш, зөвхөн төрснийг батлах бичиг баримт юм.
Хүүхдийн виз нь эцэг эхийнхээ визтэй адилхан байдаг (оюутны виз, ажлын виз, жуулчны виз гэх мэт).
2️⃣ 10 жилийн дүрэм (10 Year Rule)
- Австралийн Citizenship Act 2007-ын дагуу:
- Хүүхэд Австралид төрсөн байх.
- Хүүхэд 10 нас хүрэх хүртлээ Австралид тасралтгүй амьдарсан байх.
- Энэ нөхцөл хангагдвал хүүхэд 10 насны төрсөн өдөр дээрээ автоматаар Австралийн иргэн болох эрхтэй болно.
👉 Жишээ:
Хэрэв хүүхэд 2025 онд Австралид төрвөл, 2035 онд яг 10 насныхаа төрсөн өдөр дээрээ Австралийн иргэншилтэй болно.
3️⃣ “Тасралтгүй амьдрах” гэж юу вэ?
- Хүүхэд Австралиас гараагүй эсвэл маш богино хугацаагаар гарсан байх буюу хүүхдийн амьдралын төв нь Австралид байх ёстой. Жил бүр Австралид байгааг нь батлах бичиг (сургууль, эмнэлгийн бүртгэл, татварын бичиг баримт, хаягийн нотолгоо гэх мэт) шаардагдана.
- Хэрэв хүүхэд 10 жилийн хугацаанд урт хугацаагаар Австралиас гарвал энэ эрх хүчингүй болно. Жишээ нь хүүхэд хагас жилээс дээш хугацаагаар Австралиас өөр оронд байсан бол тасралтгүй амьдраагүй гэж тооцогдох эрсдэлтэй.
4️⃣ Иргэншлийн баталгаажуулалт
- Хүүхэд 10 нас хүрэхэд автоматаар иргэн болдог боловч албан ёсоор иргэншил авахын тулд:
- “Evidence of Australian Citizenship” гэж нэрлэгддэг гэрчилгээ хүсэх хэрэгтэй.
- Үүнийг Home Affairs (DHA)-д өргөдөл гарган авч болно.
- Өргөдлийн хураамж ойролцоогоор $240 AUD (2025 оны байдлаар).
5️⃣ Иргэншил авсны дараа
- Иргэн болсноор хүүхэд:
- Австралийн паспорт авах эрхтэй болно.
- Medicare, төрийн сургуулийн тэтгэлэг зэрэг бүх иргэний эрх эдэлнэ.
- Сонгуулийн эрх 18 наснаасаа эхэлж авна.